ഇംഗ്ലീഷ്-തി. ഏകതാളം
1
നരരോടതി സ്നേഹം പൂണ്ടു-പാരിടംതന്നില് വന്നേശു
നരനായവതാരം ചെയ്തു നാരിയിന്സൂനുവായ്-ജയമായ്
ദേവകുമാരനായി-രാജകുമാരനായി-
ബേതലഹേമിന് ഗോശാലേ-നീതിസമ്പൂര്ത്തിയായ് വരുവാന്
2
ജയമംഗളമായ വാര്ത്ത – മായം കൂടാതെ കൊണ്ടാടി
ഭയഭക്തിയതേറ്റം കൂടി-മാലാഖമാര് കൂടി പാടിയുടന്
ആട്ടിന്കൂട്ടങ്ങള് കാത്തു-കൂട്ടങ്ങളായി പാര്ത്ത
ആട്ടിടയര്ക്കറിവേകി- പെട്ടെന്നു രാവില് ദൂതനിദം
3
നര രക്ഷകനായിന്നേശു നിങ്ങള്ക്കായ്പുല്ക്കൂട്ടില് വന്നു
നരനായവതാരം ചെയ്തു-പോകുവിന്കാണുവിന് വേഗമഹോ!
ജീര്ണ്ണമായുള്ളോരാട- പൂര്ണ്ണമല്ലാതെ ചൂടി-
മാട്ടിന്തൊഴുത്തതില് കാണാം-കാണ്മാനായ്പോയിക്കുമ്പിടുവിന്