ചിന്തുതരു-ആദിതാളം
1
ആദിത്യ ചന്ദ്രാദികളെ ചമച്ചവന്നു സ്തോത്രം
ബോധിച്ചതെല്ലാം ക്ഷണത്തില് തികച്ചവന്നു സ്തോത്രം
ഏദന് കാവില് ആദംഹവ്വാ-യോടും പലവൃന്ദം
മോദമുടന് സൃഷ്ടിചെയ്ത-നാഥനെന്നും സ്തോത്രം
2
ആദി മനുഷ്യന് ചതിവില് ആയതിനെ കണ്ടു
ഭീതി ഭുവനത്തില് നിന്നുപോവതിനാ-യ്ക്കൊണ്ടു
വേദപരന്-നീതി തിക-വാവതിനായ് പണ്ടു
ഖേദമൊഴി-പ്പാന് മരണം ജയിച്ചവനു-സ്തോത്രം
3
ബാലഗണ-മേ! വരുവിന് ശീലമുടന് – കുടി
കോലാഹല വാണികളായ് – ഹാലേലൂയ്യാ പാടി
ചേലൊടു പാ-ദം വണങ്ങാന് ഗീതഗണം – തേടി
ഏലോഹീം – പിതാസുതനാ-ത്മാവിനെ സ്തുതിപ്പിന്
4
ദൂതരെല്ലാം മോദമുടന് നാഥനെക്കൊണ്ടാടി
സാദരം സിംഹാസനത്തില് നാലുചുറ്റും-കൂടി
താതസുതാ-ത്മാക്കള്ക്കു നല്ഗീതങ്ങളെ-പാടി
ശ്വേത വസ്ത്രങ്ങള് ധരിച്ചു കൂടുന്നതു-മോടി
5
ശക്തിയാല് ച-രാചരങ്ങള്-ഒക്കെയും ഉണ്ടാക്കിയു
ക്തിയാല് ത-രാതരത്തില് എത്രയും നന്നാക്കി
ഭക്തിയായ്-നടപ്പതിന്നു-മാര്ഗ്ഗമൊന്നുണ്ടാക്കി
മുക്തിയില് നടത്തുന്ന ത്രി-യേകനെന്നും-സ്തോത്രം
(മോശവത്സലം)