ഏകതാളം

ഞാനെന്നും സ്തുതിക്കും എന്‍ പരനെ തിരുമനുസുതനെ
ആനന്ദഗാനങ്ങള്‍ പാടിപ്പുകഴ്ത്തി ഞാനെന്നും
സ്തുതിക്കും
1
പാപത്തിന്‍ ശാപത്തില്‍ നിന്നും- എന്‍റെ
പ്രാണനെ കാത്തവനെന്നും
പാരില്‍ തന്നന്‍പിനു തുല്യമില്ലൊന്നും- ഞാനെന്നും
2
നല്കിയവന്‍ രക്ഷാദാനം
തന്നില്‍കണ്‍ടു ഞാന്‍ ദൈവിക ജ്ഞാനം
തന്‍ പാദസേവയതെന്നഭിമാനം- ഞാനെന്നും
3
നിര്‍ത്തുക എന്നെ വിശുദ്ധി
തന്നില്‍ നിത്യവും ഏറിവരുവാന്‍
കര്‍ത്തനെ കാക്കുക അന്ത്യമതോളം- ഞാനെന്നും
4
ആയിരം നാവുകളാലും
പതിനായിരം വാക്കുകളാലും
ഹാ ദിവ്യ സ്നേഹമവര്‍ണ്ണ്യമാരാലും- ഞാനെന്നും
5
നിത്യത തന്നില്‍ ഞാനെത്തും-
തന്‍റെസ്തുത്യപാദങ്ങള്‍ ഞാന്‍ മുത്തും
ഭക്തിയിലാനന്ദക്കണ്ണീര്‍ ഞാന്‍ വീഴ്ത്തും-ഞാനെന്നും