ഊശേനി-ആദിതാളം
പല്ലവി
വന്നേന് കാല്വറി കുരിശതിന് അരികെ-നോക്കി-
നിന്നേന് എന് പാപബലിയായവനെ-
ചരണങ്ങള്
1
എന്നെപ്രതി മുറിഞ്ഞ കാല്കരങ്ങള്-ക്ഷീണം
ഏറെ സഹിച്ചതിരു അരുമജഡം
തന്നില് തന്നെ വ്യസനം അടക്കിയതും-പ്രാണന്
താനായി വിട്ടദിവ്യ നിലയെയും ഞാന് കണ്ടു-
വന്നേന്
2
കണ്ടേ നെന്നോടു തിരു സ്നേഹബലി തിരു
കരുണ നീതിയും ഒന്നായ് ചേര്ന്നവിധം
പണ്ടെയാഗത്തെ പാപത്തില് നിമിത്തം ചെയ്വാന്
പറുദീസായില് നിയോഗിച്ചതിന് നിവൃത്തി-കണ്ടു
വന്നേന്
3
എന്പേര്ക്കു കൊണ്ട അടി മുറിവുകളും-കായം
എങ്ങും നുറുങ്ങി രക്തം ഓടിയതും
എന്പേര്ക്കു വിട്ട ദീര്ഘശ്വാസങ്ങളും-എല്ലാം
ഇപ്പാപി എന്നും ധ്യാനിച്ചിഹ വസിപ്പേന് താണു
വന്നേന്
4
അയ്യോ! പാപത്തിന് ശിക്ഷ ഭയങ്കരമേ-ഇനി
അടിയന് എന് ഈശോ! നിനക്കായിരിപ്പോന്
മെയ്യായെന് ദേഹം ദേഹി ആത്മാവും-മേലാല്
വിനയത്തോടെ നിനക്കായ് ചെലവിടുവേന് പാപി
വന്നേന്
(മേശവത്സലം)