യമുനാ കല്യാണി-ആദിതാളം
പല്ലവി
ജീവനായകനേ മനുവേലേ! എന്-എന്-എന്-എന്
(ജിവ)
ചരണങ്ങള്
1
ജീവ കൃപയില് നിജ വിയര്പ്പുവെള്ളം എന്റെ
മേലൊഴിച്ചു പാപത്തില് നിന്നുണര്ത്തി
നാവിലൊരു പുതിയ പ്രാര്ത്ഥനയെ പകര്ന്ന
വന് – എന് – എന് – എന് — എന്- ജീവനായകനേ
2
തന്നുയിരിന്നിരിപ്പതാം രുധിരം തന്നി-
ലേന്നു മിരിക്കുമുഷ്ണം തന്നെനിക്കു
എന്നുയിരില് മരുവും മരണ വിഷമൊഴിച്ച
വന് – എന് – എന് – എന് — എന്- ജീവനായകനേ
3
വിശുദ്ധി വരുമാറു – തന്നാത്മാവെനിക്കു നല്കീ-
ട്ടശുദ്ധമാമിരുളെന്നില് നിന്നകറ്റി
വിശ്വാസം പ്രത്യാശ സ്നേഹ-
മെന്റെ ഹൃദയത്തില് തന്ന-
വന് -എന് എന് എന് — എന് ജീവനായകനേ
4
ഉയിര്ത്തു മറിയയ്ക്കു പ്രത്യക്ഷമായ പോലിപ്പാ-
പിയാമെന്നുള്ളില് പ്രത്യക്ഷമായവന്
ഒഴുകും സ്നേഹം വാക്കാലെന്നുള്ളമൊക്കെയും
കവര്ന്നവന് എന് എന് എന് — എന് – ജീവനായകനേ
5
തന്നുടെ ജഡത്തോടുമസ്ഥിയോടു മൊന്നോ-യെന്നെ
എന്നു പിരിയാതെ വണ്ണം ചേര്ത്തുകൊണ്ടവ
ന്തന്നുള്ള തുറന്നു മനമെല്ലാമെന്നോടറിയിച്ച
വന്എന് എന് എന് — എന് ജീവനായകനേ
6
ആധികളൊഴിച്ചെന്നെ കാക്കുന്നവന് ഭക്ഷ-
ണാദികള് തന്നു-നിത്യം പോറ്റുന്നവന്
നീതി വഴിയിലെന്നെ നടത്തിക്കൊണ്ടുവരുന്ന
വന്എന് എന് എന് — എന് ജീവനായകനേ
7
ഞാനവനും അവനെനിക്കുമെന്നും സ്വന്തം
ഞാനവനൊഴികെ മറ്റാരെയുമേ-
നൂനമറിയുന്നില്ലവനെനിക്കെല്ലാമായ
വന്എന് എന് എന് — എന് ജീവനായകനേ
(യൂസ്തൂസ് യൗസേഫ്)