മണിരങ്ക-ആദിതാളം

1
എന്നുള്ളിലെന്നും വസിച്ചീടുവാന്‍ സ്വര്‍ഗ്ഗ
മണ്ഡപം വിട്ടിറങ്ങി-വന്ന
ഉന്നതാനാം തങ്കപ്രാവേ! നീ വന്നെന്നില്‍
എന്നുമധിവസിക്ക
2
തങ്കച്ചിറകടി എത്രനാള്‍ കേട്ടിടും
ശങ്കകൂടാതെ നിന്നെ-തള്ളി
സങ്കേതം ഞാന്‍ കൊടുത്തന്യര്‍ക്കെ
ന്നോര്‍ത്തിതാ സങ്കടപ്പെട്ടിടുന്നു
3
കര്‍ത്തനേ! എത്ര അനുഗ്രഹങ്ങളയ്യോ
നഷ്ടമാക്കീ ഈ വിധം ഇന്നും
കഷ്ടത തന്നില്‍-വലയുന്നു ഞാനിതാ
തട്ടിയുണര്‍ത്തണമേ!
4
ശൂന്യവും പാഴുമായ് തള്ളിയതാമീനിന്‍
മന്ദിരം തന്നിലിന്നു-ദേവാ!
വന്നു പാര്‍ത്തു ശുദ്ധിചെയ്തു നിന്‍
വിട്ടിന്‍റെ നിന്ദയകറ്റണമേ
5
ജീവിതമിന്നും ശരിയായിട്ടില്ലയ്യോ
ജീവിപ്പിക്കും കര്‍ത്തനേ! വന്നു
ജീവനും ശക്തിയും സ്നേഹവും
തന്നെന്നെ ജീവിപ്പിച്ചിടേണമേ
6
ശക്തിയില്‍ സിംഹാസനമതിലേറിവ-
സിക്കുന്ന യേശുരാജന്‍-എന്നില്‍
ശക്തിയോടെ വന്നു വാണീടും നേരത്തില്‍
ശക്തനായ് ജീവിക്കും ഞാന്‍
7
എന്നലങ്കാരവസ്ത്രം ധരിച്ചീടും ഞാന്‍
ഇന്നുമുതല്‍ ദൈവമേ!- മേലാല്‍
എന്നിലശുദ്ധനും
ചേലയില്ലാത്തോനും ചേര്‍ന്നു വരികയില്ല
8
ഈ വിധത്തില്‍
പരിപാലിക്കപ്പെട്ടിടാന്‍
ദൈവാത്മാവേ! വന്നെന്നില്‍-എന്നും
ആവസിച്ചു തവ തേജസ്സാലെന്നുടെ ജീവന്‍ പ്രശോഭിപ്പിക്ക

(റവ.റ്റി.കോശി)