ആദിതാളം

1
നല്ലദേവനെ ഞങ്ങള്‍ എല്ലാവരേയും
നല്ലതാക്കി നിന്‍ ഇഷ്ടത്തെ ചൊല്ലീടേണമെ (2)
2
പച്ചമേച്ചിലില്‍ ഞങ്ങള്‍ മേഞ്ഞിടുവാനായ്
മെച്ചമായാഹാരത്തെ നീ നല്‍കീടേണമേ (2)
3
അന്ധകാരമാം ഈ ലോകയാത്രയില്‍
ബന്ധുവായിരുന്നു വഴി കാട്ടിടേണമേ (2)
4
ഇമ്പമേറിയ നിന്‍ അന്‍പുള്ള സ്വരം
മുമ്പേനടന്നു സദാകേള്‍പ്പിക്കേണമേ (2)
5
വേദവാക്യങ്ങള്‍ ഞങ്ങള്‍ക്കാദായമാവാന്‍
വേദനാഥനേ നിന്‍റെ ജ്ഞാനം നല്‍കുകേ (2)
6
സന്തോഷം സദാ ഞങ്ങള്‍ ചിന്തയില്‍ വാഴാന്‍
സന്തോഷത്തെ ഞങ്ങള്‍ക്കിന്നു ദാനം ചെയ്യുകേ (2)
7
താതനാത്മനും പ്രിയ നിത്യപുത്രനും
സാദരം സ്തുതി സ്തോത്രം എന്നും ചൊല്ലുന്നേന്‍ ആമെന്‍ (2)

(മുല്ലശ്ശരില്‍ ജോണ്‍ ഈശോ)