ഭൈരവി-തി. ഏകതാളം
പല്ലവി

യേശുവേ! കരുണാസന! മഹാ
ദോഷി ഞാനയ്യോ!
കൃപ തോന്നണമയ്യോ!

ചരണങ്ങള്‍
1
നീചനാമെന്‍ ദുരിതങ്ങളെ
നോക്കണമിതാ-കൂടെ
പാര്‍ക്കണം സദാ- യേശു
2
പെരിയസാത്താനരിശത്തോടു
പെരിയമാരിപോല്‍ അസ്ത്രം
ചൊരിയുന്നെന്‍റെ മേല്‍- യേശു
3
ജഡത്തിന്‍ മോഹം കടുത്ത വൈരി
അടുത്തണയുന്നു-നൃപാ
ഒടുക്കണമിന്നു- യേശു
4
ദുഷ്ടലോകം നിന്നില്‍ നിന്നും
വിട്ടകറ്റുന്നേ-കൃപ
കിട്ടണമിന്നു- യേശു
5
ലോകം ജഡം പിശാചു
വളരെ കേടുചെയ്യുന്നു-കൃപ
തേടുന്നേന്‍ ഇന്നു- യേശു
6
കഠിന പാപച്ചുമടു നീക്കും
കരുണയുള്ളവാ!- കൃപ
തരണം നല്ലവാ!- യേശു
7
ദുഷ്ട ശീലമെന്നില്‍ നിന്നു
വിട്ടകറ്റണം-പുതു-
സൃഷ്ടിയാക്കണം- യേശു
8
പരിശുദ്ധാത്മാവായ ദൈവം
വന്നു പാര്‍ക്കണം എന്നെ
എന്നും കാക്കണം- യേശു
9
നിന്‍റെ രാജ്യം തന്നിലെന്നെ
കാത്തുകൊള്ളണം-എന്നും
ചേര്‍ത്തുകൊള്ളണം- യേശു

(യൂസ്തൂസ് യൗസേഫ്)