കൗശിക-ആദിതാളം
പല്ലവി

സ്വന്തം നിനക്കിനി ഞാന്‍
യേശുദേവാ! പാപ
ബന്ധം നീക്കെന്നില്‍ നിന്നെന്‍
പ്രിയനാഥാ!

ചരണങ്ങള്‍

1
സന്തോഷമെന്നു പേയിന്‍
വഴി നടന്നെന്‍-അതു
ചതിവെന്നുണര്‍ന്നു നിന്നോ-
ടടുത്തു വന്നേന്‍
2
ഇമ്പം പാപം തരുമെ-
ന്നറിഞ്ഞു ചെയ്തേന്‍ – അതു
ഏറെ തുമ്പം തന്നതാല്‍
ഭയന്നു വന്നേന്‍
3
ലോകം തുണെക്കുമെന്നു
ചേര്‍ന്നിരുന്നേന്‍ – അതില്‍
ഒട്ടും സ്ഥിരതയില്ലാ
ഞ്ഞോടിവന്നേന്‍
4
കായം ബലം സുഖവും
കരുത്തില്‍ വെച്ചേന്‍-ഇതിന്‍
കാഴ്ചയനിത്യമെന്നി
താവരുന്നേന്‍
5
ദേഹം ജീവനും നിന്മുന്‍
കാഴ്ചവെച്ചേന്‍-ഇനി
ചെയ്വേന്‍ നിന്തിരുമനം
പോലെ എന്നും
6
ശക്തി പ്രാപ്തി ധനവും
കാഴ്ചവെച്ചേന്‍-
തിരു സന്തോഷം നേടുവാന്‍ ഞാന്‍
അടുത്തു വന്നേന്‍
7
താങ്ങി നടത്തേണ
രക്ഷാ  കര്‍ത്താവേ! പാരം
തളര്‍ന്നിതാ വന്നീടുന്നേന്‍
ദയവാനേ.

(മോശവത്സലം)