നീയല്ലോ ഞങ്ങള്‍ക്കുള്ള
ദിവ്യസമ്പത്തേശുവേ
നീയല്ലാതില്ല ഭൂവില്‍
ആഗ്രഹിപ്പാനാരുമേ
1
നീയല്ലോ ഞങ്ങള്‍ക്കായി
മന്നിടത്തില്‍ വന്നതും
നീചരാം ഞങ്ങളുടെ പാപ-
മെല്ലാമേറ്റതും -നീയല്ലോ
2
കാല്‍വറി മലമുകളേറി
നീ ഞങ്ങള്‍ക്കായ്
കാല്‍മരം ചേര്‍ന്നു തൂങ്ങി
മരിച്ചുയിരേകിയ -നീയല്ലോ
3
അന്നന്നു ഞങ്ങള്‍ക്കുള്ളതെല്ലാം
തന്നു പോറ്റുന്നോന്‍
ഇന്നുമെന്നും കൂടെയു-െ
ന്നുള്ളവാക്കു തന്നവന്‍ -നീയല്ലോ
4
ശത്രുവിന്നഗ്നിയസ്ത്രം
ശക്തിയോടെതിര്‍ക്കുന്ന
മാത്രയില്‍ ജയം തന്നു
കാത്തു സൂക്ഷിച്ചീടുന്ന -നീയല്ലോ
5
ജനകനുടെ വലമമര്‍ന്നു
നീ ഞങ്ങള്‍ക്കായ്
ദിനം പ്രതി പക്ഷവാദം
ചെയ്തു ജീവിച്ചീടുന്ന -നീയല്ലോ
6
ലോകത്തില്‍ ഞങ്ങള്‍ക്കുള്ള-
തെല്ലാം നഷ്ടമാകിലും
ലോകക്കാര്‍ നിത്യം ദുഷിച്ചീടിലും
പൊന്നേശുവേ -നീയല്ലോ
7
നിത്യജീവമൊഴികള്‍
നിന്നിലുു പരനേ
നിന്നെ വിട്ടടിയങ്ങള്‍
എങ്ങുപോയി വസിക്കും -നീയല്ലോ

(പി. വി. തൊമ്മി)