ആദിതാളം
1
യേശു ആരിലുമുന്നതനാമെന്നാത്മ സഖാവവനെ
തായ് മറക്കാമെങ്കിലുമെന്നെ മറക്കാ സ്നേഹിതനെ
ഏവരുമെന്നെ കൈവെടിഞ്ഞാലും
യേശു താന് എന്നരികില് കാണും
ഏതു ഖേദവും തീരും ഞാന് തിരു മാര്വില് ചാരിടുമ്പോള്
2
എന്നെ തേടി വിണ്നഗരം വിട്ടൂഴിയില് വന്നവനെ
എന്റെ പാപ ശാപമകറ്റാന് ജീവനെ തന്നവനെ
എന്തിനും ഹാ! തന്തിരുസ്നേഹ-
പാശബന്ധമഴുക്കുവാന് കഴിയാ-
തെന്നുമെന്നും ഞാനിനിയവനിലും
അവനിനിയെന്നിലുമാം
3
മാനസമേ ചാരുക ദിനവുമീ ദിവ്യസ്നേഹിതനില്
ധ്യാനം ചെയ്യുക തന് തിരു-സ്നേഹ മധുരിമ സന്തതവും
എന്തു ഖേദം വരികിലും പതറാ-
തേശുവില് നിന്നാശ്രയം കരുതി
അന്ത്യത്തോളം പൊരുതുകകുരിശിന്നു
ത്തമനാം ഭടനായ്
(എം. ഇ. ചെറിയാന്)