1
ആത്മാവാം വഴികാട്ടി
എന്നെ സദാ നടത്തി
കൊണ്ടുപോകും വനത്തില്
കൂടെ സാവധാനത്തില്
ക്ഷീണരേ സന്തോഷിപ്പിന്
തന് ഇമ്പമൊഴി കേള്പ്പിന്
സഞ്ചാരി നീ കൂടെ വാ
ചേര്ക്കാം നിന്നെ വീട്ടില് ഞാന്
2
ഉള്ളം തളര്ന്നേറ്റവും
ആശയറ്റ നേരവും
ക്രൂശില് രക്തം കാണിച്ചു
ആശ്വാസം നല്കീടുന്നു
ശുദ്ധാത്മാവിന് പ്രഭയില്
ഞാനൊളിക്കും നേരത്തില്
ശത്രുശല്യമൊന്നുമേ
പേടിക്കേണ്ട എങ്ങുമേ
3
സത്യ സഖി താന് തന്നേ
സര്വ്വദാ എന് സമീപേ
തുണെക്കും നിരന്തരം
നീക്കും ഭയം സംശയം
കാറ്റുഗ്രമടിക്കിലും
ഇരുള് കനത്തീടിലും
സഞ്ചാരി നീ കൂടെ വാ
ചേര്ക്കാം നിന്നെ വീട്ടില് ഞാന്
4
ആയുഷ്കാലത്തിന്നന്തം
ചേര്ന്നാര്ത്തി പൂണ്ടനേരം
സ്വര്ഗ ചിന്ത മാത്രമേ
ഏകമെന്നാശ്രയമേ
താന് മാത്രം ആ നേരത്തും
എന്നെ ആഴം കടത്തും
സഞ്ചാരി! നീ കൂടെ വാ
ചേര്ക്കാം നിന്നെ വീട്ടില് ഞാന്
(വിവ:റവ.റ്റി.കോശി)