തി.ഏകതാളം

പല്ലവി
വന്ദനം യേശുപരാ! നിനക്കെന്നും
വന്ദനം യേശുപരാ!
വന്ദനം ചെയ്യുന്നു നിന്നടിയാര്‍
തിരു നാമത്തിന്നാദരവായ് (2)
ചണങ്ങള്‍
1
ഇന്നു നിന്‍ സന്നിധിയില്‍
അടിയാര്‍ക്കു വന്നു ചേരുവതിന്നായ്
തന്ന നിന്നുന്നതമാം
കൃപയ്ക്കഭിവന്ദനം ചെയ്തീടുന്നേ (2)
2
നിന്‍ രുധിരമതിനാല്‍
പ്രതിഷ്ഠിച്ച ജീവപുതുവഴിയായ്
നിന്നടിയാര്‍ക്കു പിതാ-
വിന്‍ സന്നിധൗ വന്നീടാമേ സതതം (2)
3
ഇത്ര മഹത്വമുള്ള
പദവിയെ-ഇപ്പുഴുക്കള്‍ക്കരുളാന്‍
പാത്രതയേതുമില്ല
നിന്‍റെ കൃപയെത്ര വിചിത്രമഹോ (2)
4
വാനദൂതഗണങ്ങള്‍
മനോഹര ഗാനങ്ങളാല്‍ സതതം
ഊനമെന്ന്യേ പുകഴ്ത്തി
സ്തുതിക്കുന്ന വാനവനേ നിനക്കു (2)
5
മന്നരില്‍ മന്നവന്‍ നീ
മനുകൂലത്തിന്നു രക്ഷാകരന്‍ നീ
മിന്നും പ്രഭാവമുള്ളോന്‍
പിതാവിനു സന്നിഭന്‍ നീയല്ലയോ (2)
6
നീയൊഴികെ ഞങ്ങള്‍ക്കു
സുരലോകെ ആരുള്ളു ജീവനാഥാ
നീയൊഴികെ ഇഹത്തില്‍
മറ്റാരുമില്ലാഗ്രഹിപ്പാന്‍ പരനേ (2)