രീതി – ആശ്വാസമേ എനിക്കേറെ

ആനന്ദമുണ്‍ടെനിക്കാനന്ദമുണ്‍ടെനി-
ക്കേശു മഹാരാജ സന്നിധിയില്‍
1
ലോകം എനിക്കൊരു ശാശ്വതമല്ലെന്നെന്‍-
സ്നേഹം നിറഞ്ഞേശു ചൊല്ലീട്ടുണ്‍ട്
സ്വര്‍ലോക നാട്ടുകാര്‍ക്കിക്ഷിതിയില്‍പല
കഷ്ടസങ്കടങ്ങള്‍ വന്നീടുന്നു
2
കര്‍ത്താവേ! നീയെന്‍റെ സങ്കേതമാകയാല്‍
ഉള്ളില്‍ മനഃക്ലേശം ലേശമില്ല
വിശ്വാസക്കപ്പലില്‍ സ്വര്‍പ്പൂരം ചേരുവാന്‍
ചുക്കാന്‍ പിടിക്കണേ-പൊന്നുനാഥാ!
3
എന്നാത്മാവേ! നിന്നില്‍ ചാഞ്ചല്യമെന്തിനു-
ബാഖായില്‍ താഴ്വരയത്രേയിത്
സീയോന്‍പുരി തന്നില്‍ വേഗംനമുക്കെത്തീ-
ട്ടാനന്ദ കണ്ണുനീര്‍ വീഴ്ത്തിടാമേ!
4
കൂടാര വാസികളാകും നമുക്കിങ്ങു-
വീടെന്നോ നാടെന്നോ ചൊല്‍വാനെന്ത്?
കൈകളാല്‍ത്തീര്‍ക്കാത്ത വീടൊന്നുതാതന്‍
താന്‍ മീതെ നമുക്കായി വച്ചിട്ടുണ്‍ട്
5
ഭാരം പ്രയാസങ്ങളേറും വനദേശ-ത്താകുല
മാത്മാവില്‍ വന്നീടുകില്‍
പാരം കരുണയുള്ളീശന്‍ നമുക്കായിട്ടേറ്റം
കൃപ നല്കി പാലിച്ചീടും
6
കര്‍ത്താവേ! നീ വേഗം! വന്നീടണേ
ഞങ്ങള്‍-ക്കോര്‍ത്താലീക്ഷോണിയില്‍ മഹാദുഃഖം!
എന്നാലും നിന്‍ മുഖ ശോഭയതിന്‍
മൂലംസന്തോഷ കാന്തി പൂണ്‍ടാനന്ദിക്കും

(മൂത്താംപാക്കല്‍ കൊച്ചുകുഞ്ഞ്)