ആദിതാളം
ആശ്വാസമെ എനിക്കേറെ തിങ്ങീടുന്നു
വിശ്വാസക്കണ്ണാല് ഞാന് നോക്കിടുമ്പോള്
സ്നേഹമേറീടുമെന്രക്ഷകന് സന്നിധൌ
ആനന്ദക്കൂട്ടരെ കാണുന്നല്ലൊ
2
ആമോദത്താല് തിങ്ങി ആശ്ചര്യമോടവന്
ചുറ്റും നിന്നു സ്തുതിചെയ്തിടുന്നു
തങ്കത്തിരുമുഖം കാണാന് കൊതിച്ചവര്
ഉല്ലാസമോടിതാ നോക്കിടുന്നു
3
തന് കൈകളാല് കണ്ണുനീരെല്ലാം താതന് താന്
എന്നേക്കുമായി തുടച്ചിതല്ലോ
പൊന്വീണകള് ധരിച്ചാമോദപൂര്ണ്ണരായ്
കര്ത്താവിനെ സ്തുതി ചെയ്യുന്നവര്
4
തന്മക്കളില് കണ്ണുനീരെല്ലാം താതന് താന്
എന്നേക്കുമായി തുടച്ചിതല്ലോ
പൊന്വീണകള് ധരിച്ചാമോദപൂര്ണ്ണ രായ്
കര്ത്താവിനെ സ്തുതിചെയ്യുന്നവര്
5
കുഞ്ഞാടിന്റെ രക്തം തന്നില് തങ്ങള് അങ്കി
നന്നായ് വെളുപ്പിച്ച കൂട്ടരിവര്
പൂര്ണ്ണവിശുദ്ധരായ് തീര്ന്നവരേശുവിന്
തങ്കരുധിരത്തിന് ശക്തിയാലെ
6
തങ്കക്കിരീടങ്ങള് തങ്ങള് ശിരസ്സിന്മേല്
വെണ്നിലയങ്കി ധരിച്ചോരിവര്
കൈയില് കുരുത്തോലയേന്തിട്ടവര് സ്തുതി
പാടീട്ടാനന്ദമോടാര്ത്തീടുന്നു
7
ചേര്ന്നിടുമേ വേഗം ഞാനും ആകൂട്ടത്തില്
ശുദ്ധരോടൊന്നിച്ചങ്ങാനന്ദിപ്പാന്
ലോകം വേണ്ടാ എനിക്കൊന്നും വേണ്ടാ
എന്റെ നാഥന്റെ സന്നിധൌചേര്ന്നാല് മതി
8
കര്ത്താവെ! വിശ്വാസപ്പോരില്തോല്ക്കാതെന്നെ
അവസാനത്തോളം നീ നിര്ത്തേണമെ
ആകാശമേഘത്തില് കാഹളനാദത്തില്
അടിയാനും നിന്മുന്നില് കാണേണമെ
(മൂത്താംപാക്കല് കൊച്ചുകുഞ്ഞ്)
