ഘണ്‍ടാരം-ആദിതാളം
പല്ലവി
ഇന്നേരം യേശുദേവനേ!-കടക്കണ്‍ നോക്കി
എന്നെ രക്ഷിക്ക നാഥനേ!…
ചരണങ്ങള്‍
1
നിന്നെമറന്ന മഹാ
നീചപാപി ഈ വര്‍ഷം
ഒന്നുകൂടെ ജീവിപ്പാന്‍
ഉള്ളം അലി ഞ്ഞല്ലോ നീ- ഇന്നേ
2
വന്‍പുല്ലാസങ്ങളായ
കൊമ്പും ഇലയുമെന്യേ
മന്നാ! കനികളൊന്നും
തന്നില്ലേപാതകന്‍ ഞാന്‍- ഇന്നേ
3
നല്ല വിത്തിട്ട മന്നാ
കല്ലായിപ്പോയെന്‍ ഉള്ളം
നാനാ വിധം കളകള്‍
താനേ മുളച്ചുപോയി- ഇന്നേ
4
ആണ്‍ടൊന്നു കൂടെ നില്പാന്‍
അനുവാദം തേടിയോനെ!
വേണ്‍ട കോപമിന്നേരം
വെറുക്കരുതെന്നെ സ്വാമീ- ഇന്നേ
5
ചുറ്റും കിളയ്ക്ക വാക്കാല്‍
ചൊരിക നിന്‍ ആത്മവെള്ളം
മുറ്റും ആത്മഫലങ്ങള്‍
മോടിയായ് ഞാന്‍ തരുവാന്‍ ഇന്നേ
6
വര്‍ഷം ഒന്നു പോകുന്നേ
മാ പാപി ചെയ്ത ദോഷം
വൈഷമ്യഭാരമായീ
മലപോല്‍പൊങ്ങി നില്ക്കുന്നേ- ഇന്നേ
7
ഈ ഭാരച്ചുമടുകൊ-
ണ്‍ടെങ്ങനെ ക്ഷീണനാം ഞാന്‍
തില്‍പുള്ള ലോക ക്കാട്ടില്‍
തീവ്രം നടപ്പേനയ്യോ- ഇന്നേ
8
കൈ നീട്ടി ഇപ്പോള്‍ എന്‍റെ
കനത്ത ചുമടാം പാപം
മനുവേല! നീ നീക്കി
മറുവര്‍ഷം നല്‍കീടുക!- ഇന്നേ