ആദിതാളം
1.ഉണരുകനീയെന്നാത്മാവേ!
ചേരുകെന്നേശുവിന്നരികില്‍ നീ
തുണയവനല്ലാതാരുള്ളീ
ഏഴകള്‍ നമ്മെപാലിപ്പാന്‍
2.പുതിയൊരു ദിവസം വന്നതിനാല്‍-
എങ്ങെന നമ്മുടെ ജീവിതത്തെ
ഭൂതലമതിലെനയിച്ചീടേണം
ആയതറിയിക്ക താതേനാടു
3.പോയോരു ദിവസമതുപോലെ
ഭൂവിലെ വാസവുംനീങ്ങിപ്പോം
നീയതു ധ്യാനിച്ചീശങ്കല്‍
ആശ്രയം പുതുക്കണമീക്ഷണത്തില്‍
4.വീടുമില്ലാരുമില്ലൊന്നുമില്ലീ
ലോകത്തിലെനിക്കെന്നോര്‍ക്കുക നീ
വിട്ടകലും നീ ഒരുനാളില്‍
ഉണ്‍ടെന്നുതോന്നുന്ന സകലത്തേയും
5.നിത്യ സൗഭാഗ്യങ്ങളനുഭവിപ്പാന്‍
സ്വര്‍ഗ്ഗത്തില്‍നമുക്കുള്ള വീടു മതി
നിത്യജീവാമൃതമോദമണി-
ഞ്ഞപ്പന്‍റെ മടിയില്‍ വസിക്കരുതോ
6. സ്നേഹിതര്‍ നമുക്കുണ്ടു സ്വര്ഗ്ഗത്തില്‍
ദൈവത്തിന്‍ ദൂതരും പരിശുദ്ധരും
സ്നേഹംകൊണ്‍ടേശുവെ വാഴ്ത്തിപ്പാടു-
ന്നവിടെ നമുക്കും പാടരുതോ?
7.ക്രിസ്തന്‍റെ കാഹളമൂതും ധ്വനി
കേള്‍ക്കുമോ ഈ ദിനമാരറിഞ്ഞു
വിശ്രമവാസത്തിലാകുമോ നാം
ഏതിനുമൊരുങ്ങുകെന്നാത്മാവേ!
(മൂത്താംപാക്കല്‍ കൊച്ചുകുഞ്ഞ്)
