മിശ്രചാപ്പ്
പല്ലവി

എന്തു ചെയ്യേണ്‍ടു ഞാന്‍
എന്‍ ജീവനാഥാ
ചിന്ത കലങ്ങിയുഴലുന്നു താത-
എന്തു ചെയ്തിടേണ്‍ടു ഞാന്‍

ചരണങ്ങള്‍

1
ഇത്രനാളായിട്ടും
ഇത്തിരി പോലുമെന്‍
ചിത്തമതു ഗുണ-
പ്പെട്ടിട്ടില്ലയ്യോ!-എന്തു
2
എന്‍ പുണ്യങ്ങള്‍ തിരു
മുമ്പിലറപ്പായ്
തമ്പുരാനേ! കാണ-
പ്പെട്ടീടുന്നയ്യോ!-എന്തു
3
നീതിയെന്നെണ്ണി സ്വ-
നീതി തന്നില്‍ ചാരി
പാതകനായ് നാശ-
പാതയില്‍ പോയയ്യോ!-എന്തു
4
മരണത്തില്‍ വേരെടു-
ത്തെറിയായ്കയാലയ്യോ!
മരണ വിണമെന്നുള്‍-
മരുവിടുന്നയ്യോ-എന്തു
5
ഒന്നുമില്ലാ എന്നില്‍
എന്നറിഞ്ഞേനിപ്പോള്‍
മന്നനേ! നിന്‍ പാദം-
തന്നില്‍ വീണിടുന്നേന്‍-എന്തു
6
നിന്‍ വലങ്കൈ കൊണ്‍ടു-
എന്നെ പിടിച്ചു നിന്‍
പൊന്നു ലോകം തന്നില്‍-
എന്നെ നടത്തുക-എന്തു

(യൂസ്തൂസ് യൗസേഫ്)