Tune: ‘I will sing of my redeemer’

1
എന്നെ വീണ്‍ട രക്ഷകന്‍റെ
സ്നേഹം ആര്‍ക്കുരയ്ക്കാം?
രക്തം ഈശന്‍ ചൊരിഞ്ഞെന്‍റെ
കടം വീട്ടി എല്ലാം

പല്ലവി
പാടുമേ ജയഗീതം
ആയുസ്സിന്‍… നാളെന്നും
യേശുവിന്‍… മഹാസ്നേഹം
എന്നുടെ നിത്യാനന്ദം
2
നിത്യജീവന്‍ തന്നെന്നുള്ളില്‍
ഈശന്‍ സ്വഭാവവും
സ്വന്താത്മാവെ പകര്‍ന്നെന്നില്‍
നിറവാം സ്നേഹവും പാടുമേ
3
താതന്‍ പുഞ്ചിരി തൂകുന്നു
തന്‍ മകനാം എന്മേല്‍
അബ്ബാ പിതാവേ എന്നങ്ങു
എന്‍ വിളി ഇനിമേല്‍… പാടുമേ
4
ലോകം കീഴ്മേല്‍ മറിഞ്ഞാലും
എനിക്കില്ല ഭയം;
തിരമറിഞ്ഞലച്ചാലും
യേശു എന്‍ സങ്കേതം പാടുമേ
5
സീയോന്‍ ലാക്കായ് ഗമിക്കുന്നു
ആശ്രയിച്ചേശുവില്‍
കര്‍ത്തന്‍ സുഗന്ധം തൂകുന്നു
വൈഷമ്യവഴിയില്‍ പാടുമേ
6
യേശുവേ, നിന്‍ തിരുനാമം
ഹാ എത്ര മധുരം
ഭൂവില്‍ ഇല്ലതിന്നു തുല്യം
ചെവിക്കിമ്പസ്വരം പാടുമേ
7
ദൂതനാവാല്‍ പോലുമാകാ
തന്‍ മഹാത്മ്യം ചൊല്ലാന്‍,
ഇപ്പുഴുവോടുണ്‍ടോ ഇത്ര
സ്നേഹം; അത്ഭുതം താന്‍ പാടുമേ