ഇംഗ്ലീഷ്- ഏകതാളം
1
എന് യേശു എന് സംഗീതം എന് ബലം ആകുന്നു
തന് ജീവന്റെ കിരീടം എനിക്കു തരുന്നു
തന് മുഖത്തിന് പ്രകാശം ഹാ എത്ര മധുരം
ഹാ നല്ലോര് അവകാശം എന്റേതു നിശ്ചയം
2
എന് യേശു എന് സംഗീതം എന് ബലം ആകുന്നു
എനിക്കു വിപരീതം ആയ കൈയെഴുത്തു
തന് ക്രൂശിന് തിരുരക്തം മായിച്ചു കളഞ്ഞു
ശത്രുത തീര്ത്തു സ്വര്ഗ്ഗം എനിക്കു തുറന്നു
3
എന് യേശു എന് സംഗീതം എന് ബലം ആകുന്നു
എന് ഹൃദയത്തിന് ഖേദം ഒക്കെ താന് തീര്ക്കുന്നു
എന് വഴിയില് പ്രയാസം ഞെരുക്കം സങ്കടം
വരുമ്പോള് നല്ലാശ്വാസം യേശുവിന് മാര്വ്വിടം
4
എന് യേശു എന് സംഗീതം എന് ബലം ആകുന്നു
തന് നിത്യ സ്നേഹം കൊണ്ടു എന്നെ സ്നേഹിക്കുന്നു
താന് തുടങ്ങിയ വേല എന്നില് നിവര്ത്തിക്കും
തന് കൃഷ്ണമണിപോലെ എന്നെ കാത്തുകൊള്ളും
5
എന് യേശു എന് സംഗീതം എന് ബലം ആകുന്നു
തന് വരവു സമീപം നേരം പുലരുന്നു
ദിവ്യമഹത്വത്തോടു താന് വെളിപ്പെട്ടീടും
ഈ ഞാനുമവനോടു കൂടെ പ്രകാശിക്കും
(വി.നാഗല്)