ശങ്കരാഭരണം-ഏകതാളം

കാണുന്നു ഞാന്‍ യാഹില്‍
എനിക്കാശ്രയമായൊരു ശാശ്വത പാറ
കാണുന്നു

1
സുസ്ഥിരമാനസനവനുമെന്‍ യാഹില്‍
ആശ്രയം വയ്ക്കുകില്‍ അനുദിനം നാഥന്‍
കാത്തിടുന്നവനെ നല്‍ സ്വസ്ഥതയോടെ
പാര്‍ത്തിവനവന്‍ തിരുകരങ്ങളിലെന്നും
കാണുന്നു
2
ചെയ്കയില്ലവന്‍ നമ്മള്‍ പാപത്തിനൊത്തപോല്‍
പ്രതിഫലമരുളുന്നില്ലകൃത്യങ്ങള്‍ ഗണിച്ചും
വാനമീഭൂവില്‍ നിന്നുയര്‍ന്നിരി പ്പതുപോല്‍
പരന്‍ ദയ ഭക്തര്‍മേല്‍ വലിയതു തന്നെ
കാണുന്നു
3
ഒടിക്കുകില്ലവനേറ്റം ചതഞ്ഞതാം ഓട
കെടുക്കികില്ലവന്‍ തിരി പുക വമിക്കുകിലും
നടത്തും തന്‍ വിധി ജയം ലഭിക്കും നാള്‍ വരെയും
തളരാതെ അവന്‍ ഭൂവില്‍സ്ഥാപിക്കും ന്യായം –
കാണുന്നു
4
വഴിതാടാതവനെന്നെ കരങ്ങളില്‍ കാത്തു
നിറുത്തും തന്‍ മഹിമയില്‍ സവിധത്തില്‍ നാഥന്‍
കളങ്കമറ്റാനന്ദ പൂര്‍ണ്ണതയോടെ
ഭവിക്കട്ടെ മഹത്വമങ്ങവനെന്നു മാമ്മേന്‍
കാണുന്നു
5
കുന്നുകളകലും വന്‍ പര്‍വതനിരയും
തന്നിടംവിട്ടു പിന്മാറിയെന്നാലും
നീങ്ങുകില്ലവന്‍ ദയ എന്നില്‍ നിന്നതുപോല്‍
നിലനില്ക്കും സമാധാന നിയമവും നിത്യം –
കാണുന്നു
6
ജ്വലിക്കിലുമവന്‍ കോപം ക്ഷണനേരം മാത്രം
നിലനില്ക്കും പ്രസാദമോ ജീവാന്ത്യത്തോളം
വസിക്കിലും നിലവിളി രാവിലെന്‍ കൂടെ
ഉദിക്കുമേ ഉഷസ്സതില്‍ആനന്ദഘോഷം –
ആമേന്‍ –
കാണുന്നു