തി. ഏകതാളം

1
ക്രൂശിന്മേല്‍ ക്രൂശിന്മേല്‍ കാണുന്ന താരിതാ
പ്രാണനാഥന്‍ പ്രാണനാഥന്‍ എന്‍ പേര്‍ക്കായ് ചാകുന്നു
2.
ആത്മാവേ പാപത്തില്‍ കാഴ്ച നീ കാണുക
ദൈവത്തിന്‍ പുത്രാ നീ ശാപത്തിലായല്ലോ
3.
ഇത്രമാം സ്നേഹത്തെ എത്രനാള്‍ തള്ളി ഞാന്‍
ഈ മഹാപാപത്തെ ദൈവമേ ഓര്‍ക്കല്ലെ
4
പാപത്തെ സ്നേഹിപ്പാന്‍ ഞാനിനി പോകുമാ
ദൈവത്തില്‍ പൈതലായ് ജീവിക്കും ഞാനിനി
5
കഷ്ടങ്ങള്‍ വന്നാലും നഷ്ടങ്ങള്‍ വന്നാലും
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
6
ശത്രുക്കള്‍ നിന്ദയും ദൂഷ്യവും ചൊല്ലുമ്പോള്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
7
പാപത്തില്‍ ശോധന ഭീമമായ് വരുമ്പോള്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
9
ആപത്തില്‍ ഓളങ്ങള്‍ സാധുവേ തള്ളുമ്പോള്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
8
ശത്രുത്വം വര്‍ദ്ധിച്ചാല്‍ പീഡകള്‍ കൂടിയാല്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
10
ആത്മാവേ ഓര്‍ക്ക നീ ഈ മഹാ സ്നേഹത്തെ
ദൈവത്തിന്‍ പുത്രന്‍ ഈ സാധുവെ സ്നേഹിച്ചു

(മൂത്താംപാക്കല്‍ കൊച്ചൂഞ്ഞ്)