ശങ്കരാഭരണം- ആദിതാളം

1
നിത്യവന്ദനം നിനക്കു – സത്യദൈവമേ!
സ്തോത്രവും ജയവും യോഗ്യം – അത്യുന്നതനേ!
2
മര്‍ത്യകുലത്തിന്‍ സ്രഷ്ടാവേ! -നിത്യപിതാവേ!
സത്യവിശ്വാസികള്‍ ചെയ്യും – സ്തോത്രം നിനക്കെ -നിത്യ
3
എത്രയോ മനോഹരം നിന്‍ – കൃത്യങ്ങളെല്ലാം
ചിത്രമതി ചിത്രമവ – എത്രയോ ശ്രേഷ്ടം -നിത്യ
4
കെറുബുകള്‍ മദ്ധ്യെവസിക്കും – സര്‍വ്വശക്തനേ!
ഉര്‍വ്വിയെങ്ങും വ്യാപിച്ചീടും- നിനക്കെന്നും സ്തോത്രം -നിത്യ
5
മാനവ-കുലത്തില്‍ പാപം-മോചനം ചെയ്വാന്‍
ഹീനമാ-ക്കുരിശില്‍ ശാപം -തീര്‍ത്ത പരനേ! -നിത്യ
6
നിന്നില്‍ വിശ്വസിക്കുന്നവ-നെന്നേക്കും മോക്ഷം
തന്നരുളാന്‍ ഉന്നതത്തില്‍-ചേര്‍ന്നപരനെ! -നിത്യ
7
സര്‍വ്വബഹുമാനം സര്‍വ്വ മഹത്വം സ്തുതിയും
സര്‍വ്വേശ്വര-നായ യഹോവയ്ക്കു താന്‍ ആമേന്‍ -നിത്യ
(മോശവത്സലം)