കൗശിക-ആദിതാളം
പല്ലവി

പരനേ! തൃക്കടക്കണ്ണാല്‍ നോക്കേണമേ -എന്‍റെ
പാപദുഃഖമൊക്കെയും – തീര്‍ക്കേണമേ
ചരണങ്ങള്‍
1
സ്ഥിരമില്ലാത്ത എന്നെ വെടിയാതെ – ഞാന്‍
ചെയ്ത കുറ്റം ഒന്നും നീ – ഓര്‍ക്കാതെ-പര
2
ആദിയന്തമില്ലാത്ത – സകലേശാ – സത്യം
അളവതില്ലാത്ത – നിത്യവാസാ-പര
3
മായാ വലയില്‍പെട്ടു – കുടുങ്ങാതെ – ലോക
വാഴ്വില്‍ മയങ്ങി മനം – കലങ്ങാതെ-പര
4
അടിയന്നിന്നരുള്‍ ചെയ്തീടരുതോ – നിന്‍റെ
അടിമെക്കു നീ എന്നീ – ഗതി ഏതോ -പര
5
വഞ്ചക മനസ്സിനെ – മാറ്റെണമേ -എന്‍റെ
നെഞ്ചകം നീ പുതുതാക്കെണമേ -പര

(തോമസ് ജോണ്‍)