യമുനാ കല്യാണി – രൂപകതാളം

പല്ലവി
പാദം വന്ദിക്കുന്നേന്‍- തിരുകൃപ
പാപിക്കു ധനമേ!
ചരണങ്ങള്‍
1
പാരിതില്‍ തിരുവേദം
അരുളി ഭരിക്കും അത്ഭുതനേ!
ദൈവസുതനേ! കൃപാകരനേ!
ക്രിസ്തോ! തിരു- (പാദം)
2
വാക്കിനുള്ളടങ്ങാത്ത
മഹത്വമാളുന്ന മന്നവനേ!
ശക്തിമാനെ! ദയവാനേ!
ക്രിസ്തോ! തിരു- (പാദം)
3
മാനുഷര്‍ക്കുയിര്‍ നല്‍കിയ
രക്ഷകാ! നയശീലാ!
മനുവേല! അനുകുലാ!
ക്രിസ്തോ! തിരു- (പാദം)
4
പാപം നീക്കി ശുദ്ധാവിയാല്‍
ഉപദേശിക്കുന്നോനേ!
പുണ്യവാനേ! ഗുണവാനേ!
ക്രിസ്തോ! തിരു- (പാദം)
5
പാദത്തില്‍ പണിവോരെ
നിത്യവും പാലിക്കുന്നോനേ!
സത്യവാനേ! നിത്യവാനേ!
ക്രിസ്തോ! തിരു- (പാദം)