ചെഞ്ചുരുട്ടി – ആദിതാളം
പല്ലവി
മനുവേലാ നിനക്കു വന്ദനം അനന്ത കീര്ത്തനം പരനേ!
അനുപല്ലവി
കനിഞ്ഞു നിന്മനമുരികുയെന്നെനിന് കമനിയാക്കിയതോര്ത്തു- (മനു)
ചരണങ്ങള്
1
ഒരിക്കലും നിന്നെപിരിഞ്ഞിരിപ്പതിനെനിക്കുസംഗതിയരുതേ നിന്റെ
തിരുമുഖം കണ്ടെന്നകമലരലിഞ്ഞീടുന്നുനീതിയിന് കതിരേ!- (മനു)
2
മരണവിഷത്തെ രുചിച്ചു നീയെന്ന മരണത്തില്നിന്നുവിടര്ത്തി നിന്റെ
പരമനീതിയിന് അവകാശം തന്നിട്ടമരലോകത്തില്കടത്തി- (മനു)
3
എതിരിയിന് നുകത്തടിയൊടിച്ചെനിക്കതിസ്വതന്ത്രതനല്കി-നിന്റെ
പുതുമനസ്സിനെ ധരിച്ചു സന്തതം
വസിപ്പാന്വദിച്ചതോര്ത്തു- (മനു)
4
കരുണനിറഞ്ഞ കരത്താലെന്നെ
നിന്കരളിനോടേറ്റമണച്ചു-നിത്യം
അരിഗണങ്ങളിന് ശരനിരകളെ അകറ്റിആശ്ലേഷിച്ചിടുന്നു-
(മനു)
(റ്റി.ജെ. വര്ക്കി)