മിശ്രചാപ്താളം
1
മന്നവനേ! മഹോന്നതാ നിന്നെ ഞങ്ങള് വന്ദിക്കുന്നു
ഇദ്ധരയില് നീയൊഴിഞ്ഞല്ലാരുമേ-ഞങ്ങള്-
ക്കാശ്രയമായ് മേലിലും നീ മാത്രമേ
2
ദൈവദൂത സൈന്യം നിന്നെ നമിക്കുന്നു പരിശുദ്ധാ!
ദോഷികളാം ഞങ്ങളതിന്നെന്തുള്ളു-ഓര്ത്താല്
നിന്റെ നാമം ചൊല്ലിടാനും പോരായേ
3
മഹാദേവാ! മക്കള് ഞങ്ങള്-തിരുമുമ്പില് വണങ്ങുന്നു
മാരിപോലിന്നനുഗ്രഹം നല്കണം-സര്വ്വ
ഖേദവും തീര്ത്തു മാര്വ്വില് ചേര്ക്കണം
4
നിന്നെപ്പോലോര് ധനമില്ല നിന്നെപ്പോലൊര് സുഖമില്ല
എന്നെന്നേക്കും നിന്മുഖത്തില് വാ-ഴുവാന്-ദാസ-ര്
ക്കനുവാദം തന്നു മാര്വ്വില് ചേര്ക്കണം
5
പൊന്നുനാഥാ! പോന്നുനാഥാ! നിന്മുഖം കണ്ടാനന്ദിപ്പാന്
സ്വസ്വര്ഗ്ഗദേശത്തെന്നു വന്നുചേര്ന്നിടും-ലോക
സങ്കടങ്ങളൊഴിഞ്ഞങ്ങു വാഴുവോന്
6
ഭക്തന്മാരേ! രാപ്പകല് നാം തിരുമുമ്പാലാരാധിപ്പാന്
എത്രവേഗം വാനരാജ്യേ പോയിടാം- സര്വ്വ
സമ്മോദവും ലഭിച്ചെന്നും പാര്ത്തീടാം
(മൂത്താംപാക്കല് കൊച്ചുകുഞ്ഞ്)
