പല്ലവി

മോദം! അതിമോദം! മോദം ഹേ! വാഗ്ദത്ത കാലം
സാദര മണഞ്ഞീടുന്നഹോ!……

അനുപല്ലവി

ജാതി ഭേദ-വാദം തീര്‍ന്നു-ജാതികളൊന്നായിടുന്നു
യൂദ ജാതിയും മുതിര്‍ന്നു-ജാത മോദം പാടിടുന്നു-(മോദം)
1
അന്നു കാനനങ്ങള്‍ പൂക്കുമേ-
സീയോന്‍റെ മക്കള്‍
നന്ദിയോടെ പാടിയാര്‍ക്കുമേ!…
അന്നു സുവിശേഷക്കൊടിമന്നിടേ
ജയം കൊണ്‍ടാടി
ഉന്നതമായന്നു ജനം- സന്നിധി
പാടിവസിക്കും-മോദം
2
അന്നു സീയോനില്‍ നിന്നുണ്‍ടാകും-
ആജ്ഞാവിശേഷം
മന്നിടമെല്ലാമതു കേള്‍ക്കും…
മന്നവര്‍ മന്ത്രി പ്രജകള്‍- എന്നിവരെ
ല്ലാവരിലും
ഒന്നുപോലാവസിച്ചീടും-വന്നുസത്യാനു
ഗ്രഹങ്ങള്‍-മോദം
3
കാട്ടുപാമ്പോടൊത്തു മേളിക്കും-കുട്ടികള്‍ എന്നാല്‍
വാട്ടമുണ്‍ടാകയില്ലേതുമേ…
കാട്ടുപുലികളുമാട്ടിന്‍-കൂട്ടവുമൊന്നിച്ചു
മേയും
നാട്ടിലെല്ലാം നന്മകളും-പുഷ്ടിയായി
വര്‍ദ്ധിച്ചീടും-മോദം
4
വാളു കുന്തങ്ങള്‍ക്കില്ലാവശ്യം-
കൊഴുക്കളാക്കി
ചാലുപോക്കാനാക്കുമായവ…
നാലുദിക്കും സമാധാനം ചാലവെ
പരന്നിരിക്കും
വാളെടുക്കയില്ലാരുമേ-ചേലുകേടില്ലൊ
ന്നിനുമേ-മോദം
5
ആലേലൂയ്യാ ഗീതം പാടുമേ!-യരുശലേമും
ആലേലൂയ്യാ രാഗം പാടുമേ…..
ആലേലൂയ്യാ-വാനത്തിലും-ആലേലൂയ്യാ
ഭൂമിയിലും
ആലേലൂയ്യാ മാലാഖമാര്‍ ചൊല്ലുമേ!
മനുഷരെല്ലാം-മോദം

(മാണി ജോണ്‍ കൊച്ചുകുഞ്ഞ്)