ശങ്കരാഭരണം-ആദിതാളം
യേശുവേ! കരുണാസനപ്പതിയേ
നട്ടം തിരിയും എന്നെ വീണ്ടുകൊള്-(യേശു)
ചരണങ്ങള്
1
ഭൂതലത്തില് നീയൊഴിഞ്ഞു
ദാസന് എനിക്കാദരവു
കണ്ടതില്ല ഹാ! സകല-
മണ്ഡലാധിപ!
ചേതസില് കൃപയുണ്ടായി
നാശം അണയാതെ കാത്തു
ചിത്ത ചഞ്ചലം അടക്കി
ചേര്ക്കസല്ബുദ്ധി വരുത്തി-യേശു
2
വൈരിയാം പിശാചിനോടും
കായ മോഹാദികളോടും
പോരിതില് മടങ്ങി അടി-
പെട്ടുപോയു ഞാന്-
അടിമയെ ലോകര്ക്കൊഴിച്ചോ-
രുടയ തമ്പുരാനേ! നല്ല
ഇടയനേ! ഒരേഴയാടാം
അടിയനേക്കണ്പാര്ക്കണമേ- യേശു)
3
എണ്ണമറ്റ പാപങ്ങള് ഞാന്
ചെയ്തവയാകെ പൊറുത്തു
പുണ്യവാന് ഏകനേ! എന്നെ-
പുണ്യനാക്കേണം-
നിന്നടിമ ആയുടുമോ-
രുന്നതിഎനിക്കുണ്ടാവാന്
നിന്നടിവണങ്ങി നിത്യം
വന്ദനം ചെയ്തീടുന്നു ഞാന്- യേശു
4
നല്ലവരുലകില് ആരും
ഇല്ല നീയൊഴിഞ്ഞു സര്വ്വ
വല്ലഭത്വമുള്ളവന് നീ
അല്ലയോ ദേവാ-
കൊള്ളരുതാതുള്ളതെന്നില്-
തള്ളി നീക്കി നിന്നുടയ-
നല്ല നല്ല ദാനങ്ങളാല്
ഉള്ളലങ്കരിക്ക എന്റെ -യേശു
(മാണി ജോണ് കൊച്ചൂഞ്ഞ്)