പന്തുവരാളി

പല്ലവി
യേശു സന്നിധി മമ ഭാഗ്യം
ക്ലേശം മാറ്റി മഹാസന്തോഷം ഏകുന്ന
ചരണങ്ങളള്‍
1
ശുദ്ധത്മാവനുദിനം എന്നുള്ളില്‍ വസിച്ചെന്നെ!
പ്രാര്‍ത്ഥിപ്പാന്‍ പഠിപ്പിക്കുന്നേരമെപ്പോഴും
2.
ദൈവവചനമതില്‍ ധ്യാനിച്ചീടുവാനതി-
രാവിലെ തന്‍ പാദം പ്രാപിക്കുന്നേരം
3.
പാപത്താലശുദ്ധനായ് തീരും സമയമനു
താപഹൃദയമോടെ ഞാനണയുമ്പോള്‍
4.
ലോകചിന്തകളാകും ഭാരച്ചുമടതിനാല്‍
ആകുലപ്പെട്ടു തളര്‍ന്നീടുന്ന നേരം
5.
ദുഃഖങ്ങള്‍ ഹൃദയത്തെ മുറ്റും തകര്‍ത്തിടുമ്പോള്‍
ഒക്കെയും സഹിച്ചീടാന്‍ ശക്തി നല്കുന്ന
6.
യാതൊരു സമയമെന്നന്ധതയതുമൂലം-
പാതയറിയാതെ ഞാന്‍ വലയുമ്പോള്‍
7.
തക്കസമയമെല്ലാമുട്ടും പ്രയാസവും തന്‍
മക്കള്‍ക്കു തീര്‍ത്തുകൊടുത്തീടു ന്നോരെന്‍-
8.
ശത്രുവിന്‍ പരീക്ഷയെന്‍ നേരെ വന്നിടുന്നോരു
മാത്രയില്‍ ജയംനല്കി രക്ഷിച്ചീടുന്ന
9.
മന്നിടമതിലെന്‍റെ കണ്ണടഞ്ഞതില്‍ ശേഷം
പൊന്നുലോകാവസത്തില്‍ എന്നും എന്നേക്കും

(റ്റി.ഡി.ജോര്‍ജ്ജ്)