നാഥനാമക്രിയ- ആദിതാളം
പല്ലവി
വന്നാ – വ – സി – ക്ക! – ദേവാത്മാവേ! നീ
വന്നാ – വ – സി ക്ക!
അനുപല്ലവി
വന്നാവസിക്ക വേഗം – നിന്നുടെ മാ കൃപയാല്
ഇന്നീ യടിയിരിന്മേ-ലുന്നതത്തിങ്കല് നിന്നു -വന്നാ
1
കര്ത്താവിന് ഭൃത്യര് പെന്തി-ക്കോസ്തുപ്പെരുന്നാളിങ്കല്
ഒത്തങ്ങൊരുമയോടെ – പ്രാര്ത്ഥിച്ചിരിക്കുന്നേരം
ഏറ്റവും ശക്തിയുള്ള – കാറ്റോട്ടം പോലവര് മേല്
എത്തി ആവസിച്ച പോ-ലീദാസരിലുമിന്നു -വന്നാ
2
കര്ത്താവരുളി ചെയ്ത – വാര്ത്തകളെല്ലാമവര്
ഉള്ക്കാമ്പിങ്കലോര്മ്മ വ-രുത്തിക്കൊടുത്തു നല്ല
ശക്തിയോടേശുവേ പ്ര-സിദ്ധപ്പെടുത്തിപ്പാനായ്
അഗ്നി നാവാലവര്മേ -ലന്നു വന്നപോലിന്നു -വന്നാ
3
അന്നാളില് മൂവായിരം ആത്മാക്കളിന്മേല് ശക്തി
നന്നായ് ജ്വലിപ്പിച്ചേശു – തന് നാമത്തിങ്കള് ചേര്ത്തു
പിന്നെയങ്ങയ്യായിര-ത്തിന്മേലുമൊരു നാളില്
നന്നായ് പ്രകാശിച്ച പോ-ലിന്നീയടിയാര് മേലും -വന്നാ
4
അക്കാലം തൊട്ടു ദിവ്യ – ശക്തിയാല് തിരുസഭ
ഉള്ക്കാമ്പില് ഭക്തിയായ് പാ-ലിക്കപ്പെടുന്നതുപോല്
ഇക്കാലത്തിലും നിന്റെ പ്രത്യേക ദീപ്തിമൂലം
ഇക്കൂട്ടത്തെയും-പാലിച്ചിടുവാനായ്ക്കൊണ്ടിപ്പോള്-വന്നാ
(റവ. റ്റി. കോശി)