കൗശിക – ആദിതാളം

1
ശ്രീയേശുനാമമേ തിരുനാമം- ഇതു
ഭൂലോകമെങ്ങും മോദം നല്‍കും നാമം
2
പാപികളെ രക്ഷചെയ്യും ദിവ്യനാമം പരിതാപി-
കള്‍ക്കാശ്വാസം നല്കും തിരുനാമം
3
പാപഭാരം നീക്കിടും വിശുദ്ധനാമം പാപ
ബന്ധനം തകര്‍ത്തിടുന്ന സത്യനാമം
4
എന്നിലെ പാപങ്ങളെല്ലാം തീര്‍ത്ത നാമം- എന്‍റെ
മന്ദബുദ്ധി നീക്കി ശുദ്ധി ചെയ്തനാമം
5
മല്ലനാം പിശാചിനെ ജയിച്ചനാമം എന്‍റെ
അല്ലലെല്ലാം തന്‍ ശിരസ്സിലേറ്റനാമം
6
ജീവനെ പാപികള്‍ക്കായ് ചൊരിഞ്ഞ നാമം- പുതു
ജീവനെ നല്കിയാശ്വസിപ്പിച്ച നാമം
7
നിത്യമോക്ഷപാതയെതുറന്ന നാമം തന്‍റെ
സത്യഭക്തരില്‍ പ്രമോദം നല്കും നാമം
8
അക്ഷയാത്മമാരി ചൊരിഞ്ഞീടും നാമം- തന്‍റെ
വക്ഷസ്സില്‍ പ്രജകളെ ചുമക്കും നാമം- ശ്രീയേശു
(റ്റി.ജെ. വര്‍ക്കി)