തി. ഏകതാളം
പല്ലവി
ഹാ! കൂടി നാമെല്ലാരും ചേര്ന്നു പുകള് കൊണ്ടാടണം-
സ്വര്ഗ്ഗവാതിലാകും യേശുനാഥനെ വാഴ്ത്തിപ്പാടണം.
ചരണങ്ങള്
1
വേദനപ്പെടും ഏഴകള്ക്കഴലു തീരുവാന്-
വന്നുമേദിനിയതില് മാനുഷ്യാവതാരമാര്ന്നിതാ- ഹാ! കൂടി
2
മാനവര് വാഴ്ത്തിപ്പാടുന്ന കര്ത്തനായ താന്-ദുഷ്ട
മാനവന് ഈടേറുവാന് ഒരടിമയായിതാ- ഹാ! കൂടി
3
ആദരവറ്റു ഭൂമിയില് വെറിയരാം നരര്-മര
ണാധികളൊഴിവതിന്നു താണു ദേവനും- ഹാ! കൂടി
4
സേനകളിന് അധിപതി അവനെന്നാകിലും- നര
ജീവനെ മീളാനവന് തന്നുയിരിനെ വിട്ടാന്- ഹാ! കൂടി
5
ദാരുണ മരണാധിയെ മരിച്ചമര്ത്തിനാന്-ഭൂ-
അണ്ഡലത്തില് നിന്നുയിര്ത്തു വിണ്ണിലെത്തിനാന്-ഹാ! കൂടി
6
പാപികള്ക്കു പിതാവിനോടിരന്നു മോചനം-നിജ
പാദസേവക ജനങ്ങളെ രക്ഷചെയ്യുന്നോന്- ഹാ! കൂടി
(മോശവത്സലം)
