ആദിതാളം
പല്ലവി
ഹോശന്നാ! മഹോന്നതനാം യേശുമഹാ-രാജനെന്നും
ഹോശന്നാ കര്ത്തനുടെ വിശുദ്ധനാമത്തില് വരുന്നവനു സദാ
ചരണങ്ങള്
1
യറുശലേം – നഗരിയതില് -വരുന്നു മഹാ-രാജനെന്നു
അറിഞ്ഞതിനാല്
ബഹുജനങ്ങള്ഒരുങ്ങിവന്നരചനെയെതിരേല്പാന്
2
ആണ്കഴുതകുട്ടിയിന്മേല് – ആടകളെ വിരിച്ചു ശിഷ്യര്
ആണ്ടവനെ ഇരുത്തിക്കൊണ്ടു -ആടിപ്പാടി സ്തുതിച്ചവര് നടന്നിടുന്നു-
3
മേലങ്കി-കളെ വഴിയില് – അലംകൃതമായ് – പലര് വിരിച്ചു
മാലോകര് – വഴിനീളെ – ശാലേമിന്നധിപതിയെ വാഴ്ത്തിടുന്നു
4
കുരുത്തോല – പിടിച്ചു ചിലര് – ഗുരുവരനെ – സ്തുതിച്ചീടുന്നു
മരങ്ങളില് നി-ന്നിളങ്കൊമ്പുകള് -വിരവൊടു വെട്ടി ചിലര് വിതറിടുന്നു
5
പുരുഷാരം – അസംഖ്യമിതാ -നിരനിരയായ് നടന്നിടുന്നു
ഒരു മനസ്സോ-ടതികുതുകാല്അരചനെ സ്തുതിച്ചവര് പുകഴ്ത്തിടുന്നു-
6
പരിചോടു – ബാലഗണംപരിശുദ്ധനെ പുകഴ്ത്തീടുന്നു…
പരീശരെല്ലാം – അരിശം പൂണ്ടു -പരിശ്രമിച്ചിടുന്നതു മുടക്കീടുവാന്-
7
ആര്ത്തമോദത്തോടിന്നു നാംവാഴ്ത്തീടുക – പാര്ത്ഥിവനെ
കീര്ത്തിക്ക നാം – തിരുനാമം – പാര്ത്തലത്തിലനുദിനം മോദമോടെ-
(പി.വി.തൊമ്മി)
