ആദിതാളം

1
സ്നേഹമാമേശുവേ സ്നേഹമേ നിറവായ്!
സ്നേഹം നിന്‍മൊഴി ക്രിയയുമെല്ലാം-
സ്നേഹം സര്‍വവുമേ
സ്നേഹിച്ചേശു എന്നെ ചോരയില്‍ കഴുകി
സ്നേഹമാം താതന് എന്നെആചാര്യ-
രാജനാക്കിയല്ലോ!
2
ഇയ്യുലകാധിപന്‍-കണ്‍ കുരുടാക്കി
ആയതാല്‍ ഭംഗി രൂപവുമില്ലാതായി
നീ എനിക്കു
ദൈവാത്മാവെന്നുടെ കാഴ്ചയെ നല്കി
ദേവ സുതനപ്പോള്‍ എന്‍റെ കണ്ണിനു
കൗതുകമായ് വന്നു
3
ദാസവേഷം പൂണ്‍ടദേവ കുമാരന്‍
യേശുദേവാ! വിശ്വാസികള്‍ക്കു നീ
വിലയേറിയവന്‍!
ആയിരങ്ങളുടെ ആയിരങ്ങളില്‍
അതി സൗന്ദര്യവാനാകുമേശുദേവന്‍
നീയല്ലയോ!
4
നീയല്ലാതാരുള്ളു സ്വര്‍ഗ്ഗമാം ലോകേ!
നീയല്ലാതില്ല ഭൂവിലാരും ഞാന്‍
ഇച്ഛിക്കത്തക്കവന്‍
ഹാ! മനോഹരന്‍ നീ മാധുര്യവാന്‍ നീ!
ഹാ! മഹാശുദ്ധനെന്നുടെ പാപം ആകെ
നീക്കിയവന്‍!
5
നിറവായ കൃപാ-പൂര്‍ണ്ണമാം സ്നേഹം
നീതിയുല്‍കൃഷ്ട ശ്രേഷ്ഠതകളോ-
ടുള്ളതേശുവേ! നിന്‍
എന്‍സ്രഷ്ടാവിവന്‍ താന്‍ എന്‍കര്‍ത്താ
വിവന്‍ താന്‍!
എന്നെ സൃഷ്ടിച്ചു-രക്ഷിച്ചു-നിത്യ
ജീവന്‍ തന്നതിവന്‍
6
സര്‍വ്വ നാമങ്ങള്‍ക്കും-സര്‍വ്വ വസ്തുവിന്നും
സര്‍വ്വ സൃഷ്ടിക്കും മേലായ നിന്നെഞാന്‍
സ്നേഹിച്ചീടും നാഥാ!
സ്തോത്രമേശുവിന്നും-താതന്നും സ്തോത്രം
സ്തോത്രമെന്നാശ്വാസ പ്രദനുമേ-
ആമേന്‍ ഹല്ലേലൂയ്യാ-

(റവ. റ്റി.കോശി)